Elkartearen Batzar Nagusiak aukeratutako boluntarioen talde bat gara, eta lantalde horizontal bat osatzen dugu. Lantalde horretan, kide bakoitzak trebetasun eta ikuspegi desberdinak eskaintzen ditu, elkartearen helburuak eraginkortasunez eta ekitatez lortzeko. Lan-batzordeetan antolatzen gara, eta zereginak eta erantzukizunak gure gaitasunen eta prestasunaren arabera banatzen ditugu. Kontuan izan behar da gure dedikazioa borondatezkoa dela eta beti ezin dugula nahi adina denbora eskaini.

Gure lanik garrantzitsuena urteko Batzar Nagusian familiek hartzen dituzten erabakiak ondo eramatea da, eta, aldi berean, eskolaren egunerokoan sortzen diren gaietan parte hartzea, bai ekitaldi ofizialenak babestuz, bai ekimen berriak proposatuz.

Gure helburu nagusia hezkuntza-komunitatearekin lankidetzan aritzea eta gure seme-alaben eskola hobetzen parte hartzea da. Elkargune bat izan nahi dugu, non ekarpenak egin, partekatu, eztabaidatu eta zergatik ez, familia- eta hezkuntza-ingurune baten eraikuntzarekin amets egin ahal izango dugun, gure seme-alabek pertsona aske eta zoriontsu gisa hazten jarrai dezaten.

Horregatik, Berango-Merana eskolako familien sentimendua entzun eta ezagutu nahi dizugu, haien guztien interesak irudikatzeko, bai eskolaren barruan, bai beste erakunde eta organismo batzuekiko harremanetan. Horrela bakarrik eraiki ahal izango dugu komunitatea eta kolektibo benetan aktibo bihurtu, familien ahotsa ordezkatuz eta gure ikastetxeko harremanak eta zerbitzuak indartuz.

Ez izan zalantzarik guregana hurbiltzeko, zure ideiak edo kezkak helarazteko.
Ideia berriak baloratzeko eta eztabaidatzeko prest gaude!!!